1.1․ Սույն կանոնակարգը սահմանում է «#ՓրկվիրՇոգից» մրցույթի անցկացման կարգը, մասնակցության պայմանները, մրցանակների տրամադրման և հաղթողների որոշման ձևը։
1.2․ Մրցույթը չի հանդիսանում շահումով խաղ կամ վիճակախաղ։
1.3․ Մրցույթին մասնակցելով՝ մասնակիցը ամբողջությամբ ընդունում է սույն կանոնակարգի պայմանները։

2.1․ Մրցույթը սկսվում է 2025թ. հուլիսի 25-ին և ավարտվում է 2025թ. օգոստոսի 5-ին՝ ժամը 00:00։
2.2․ Հաղթողները կհայտարարվեն 2025թ. օգոստոսի 6-ին՝ ժամը 17:00 Դոմուսի սոց․ցանցերի պաշտոնական էջերում։

3.1․ Մրցույթին կարող են մասնակցել Instagram և կամ Facebook ակտիվ հանրային (public) պրոֆիլ ունեցող անձինք՝ առանց տարիքային սահմանափակման։
3.2․ Մասնակցելու համար անհրաժեշտ է՝

• ստեղծել կարճ տեսանյութ՝ «ինչպես եմ փրկվում շոգից» թեմայով,
• հրապարակել այն Instagram Reel կամ Facebook Reel ձևաչափով,
• նշել Դոմուսի էջը,
• օգտագործել #ՓրկվիրՇոգից հեշթեգը,
• տարածել տեսանյութը և հավաքել շատ հավանումներ։

3.3․ Մասնակիցների էջերը պետք է լինեն ամբողջությամբ հրապարակային (public)՝ առնվազն սկսած տեսանյութի հրապարակման պահից մինչև հաղթողների հայտարարումը։ Փակ կամ սահմանափակ մուտքով էջերը չեն կարող մասնակցել մրցույթին։
3.4․ Մրցույթում կհաշվարկվեն միայն հավանումները։
3.5․ Մասնակիցը կարող է իր էջում տեղադրել մեկից ավելի տեսանյութ, սակայն դրանցից ամեն մեկը պետք է գրանցվի առանձին։ Ըստ որում՝ յուրաքանչյուր տեսանյութի հավանումները հաշվարկվում են անկախ իրարից։

4.1․ Մրցույթում կհաղթեն այն 3 մասնակիցները, որոնց տեսանյութերը կունենան ամենաշատ հավանումներ։
4.2․ Հավանումների հաշվարկը կկատարվի մինչև 2025թ․ օգոստոսի 5-ը, ժամը 23:59:
4.3․ Կազմակերպիչն իրեն իրավունք է վերապահում ստուգել հավանումների իսկությունը և կեղծում բացահայտելու դեպքում՝ տվյալ մասնակցին հեռացնել մրցույթից։

5.1․ Հաղթող 3 մասնակիցներից յուրաքանչյուրը կստանա 1 հատ օդորակիչ։
5.2․ Օդորակիչի տեղադրումը կարող է իրականացվել Դոմուսի կողմից՝ վճարովի հիմունքներով։
5.3․ Մրցանակները չեն փոխանակվում այլ ապրանքով կամ գումարով։
5.4․ Մրցանակները կհանձնվեն մինչև 2025թ. օգոստոսի 20-ը՝ ըստ Կազմակերպչի սահմանած կարգի։

6.1․ Մրցույթին մասնակցելով՝ մասնակիցները համաձայնություն են տալիս, որ իրենց տվյալները (անուն-ազգանուն, սոց․ցանցային էջի հղում, տեսանյութ) կարող են օգտագործվել Կազմակերպչի կողմից՝ գովազդային և մարքեթինգային նպատակներով։

7.1․ Կազմակերպիչը իրեն իրավունք է վերապահում ցանկացած պահի փոփոխել սույն կանոնակարգը՝ հրապարակելով նորացված տարբերակը Դոմուսի սոց․ցանցային էջերում կամ կայքում։
7.2․ Սույն կանոնակարգի բոլոր դրույթները կարգավորվում են ՀՀ օրենսդրությամբ։