Սառնարան ընտանիքի համար․ ինչպես ընտրել ճիշտ մոդելը

Սառնարանը խոհանոցի հիմնական և առավել կարևոր կենցաղային տեխնիկայից մեկն է։ Այն ապահովում է մթերքների ճիշտ պահպանումը, օգնում է կազմակերպել շաբաթական գնումները և երկար ժամանակ պահպանել սննդամթերքի թարմությունը։

Սակայն շուկայում ներկայացված բազմաթիվ մոդելների պայմաններում հաճախ առաջանում է հարց․ ինչպե՞ս ընտրել ճիշտ սառնարան ընտանիքի համար։

Սառնարան ընտրելիս կարևոր է ուշադրություն դարձնել մի քանի հիմնական գործոնների՝ ծավալին, տեխնոլոգիաներին, էներգախնայողությանը, աղմուկի մակարդակին և չափսերին։

Ի՞նչ ծավալով սառնարան ընտրել ընտանիքի համար

Սառնարանի ծավալը պետք է համապատասխանի ընտանիքի անդամների քանակին:

Հիմնական ընդունված հաշվարկը հետևյալն է․

•  1–2 հոգի – 150–250 լիտր

•  3–4 հոգանոց ընտանիք – 250–350 լիտր

•  մեծ ընտանիք – 350 լիտր և ավելի

Մեծ ծավալով սառնարանը թույլ է տալիս ավելի հարմար կազմակերպել մթերքների պահեստավորումը, բաժանել տարբեր մթերքները առանձին դարակներում և ճիշտ պլանավորել շաբաթվա գնումները։

Բացի այդ, մեծ սառնարանները ունեն ավելի շատ դարակներ, բաժիններ և սառեցման գոտիներ, ինչը հեշտացնում է սննդամթերքի դասավորությունը։

Ժամանակակից սառնարանների մեծ մասը համալրված է No Frost տեխնոլոգիայով, որը կանխում է սառույցի առաջացումը սառցախցիկում և սառնարանի խցիկում։

Այս տեխնոլոգիայի հիմնական առավելություններն են․

•  սառույց չի կուտակվում պատերին

•  օդը հավասարաչափ բաշխվում է ամբողջ խցիկում

•  մթերքը ավելի լավ է պահպանվում

Քանի որ սառնարանն աշխատում է օրական 24 ժամ, կարևոր է ընտրել էներգախնայողության բարձր դաս ունեցող և ցածր աղմուկի մակարդակ ապահովող մոդելներ։ Այդպիսի սառնարանները՝

• սպառում են ավելի քիչ էլեկտրաէներգիա

• աշխատում են ավելի հանգիստ՝ չխանգարելով առօրյա կյանքին

• ապահովում են երկարաժամկետ արդյունավետ և հուսալի աշխատանք

Սառնարանների մեծ ընտրանի Դոմուսում

Տարբեր ծավալներով, չափսերով և տեխնոլոգիաներով ժամանակակից սառնարանների լայն տեսականի կարող եք գտնել Դոմուս խանութ-սրահների ցանցում կամ առցանց։

Շատ ժամանակակից սառնարաններ ունեն նաև թարմության գոտի, որը նախատեսված է առավել զգայուն մթերքի պահպանման համար։

Այստեղ պահպանվում է հատուկ ջերմաստիճան և խոնավություն, ինչը թույլ է տալիս ավելի երկար պահպանել՝միսը, ձուկը, մրգերը, բանջարեղենը, կանաչիները:

Fresh Zone-ը օգնում է նվազեցնել մթերքի փչացումը և պահպանել սննդի բնական համը։