- ՄուտքՀավանածներՀամեմատությունՎճարման միջոցներՄուտք գործել
Բարի գալուստ
Մուտք գործիր կամ գրանցվիր, որպեսզի օգտվես կայքի բոլոր առավելություններից
Վերադառնալ սկիզբ
© DOMUS 2025-2026 Բոլոր իրավունքները պաշտպանված են | powered by WEBS
Բնական օնիքսի և հազվագյուտ մարմարի արտահայտիչ կառուցվածքը ինտերիերում առանձնահատուկ ազդեցություն ունի․ քարի երակները, կիսաթափանցիկության տպավորությունը և գունային անցումները մակերեսին խորություն են հաղորդում։ Սակայն բնական քարը պահանջում է հատուկ խնամք և յուրաքանչյուր նախագծի համար միշտ չէ, որ գործնական լուծում է։
PORTOCER-ը այս էսթետիկան վերարտադրում է ժամանակակից glazed porcelain՝ ջնարակապատ կերամոգրանիտի միջոցով՝ համադրելով բնական քարի տեսքը, տեխնոլոգիական մշակումը և առօրյա օգտագործման համար նախատեսված կերամիկական մակերեսի առավելությունները։
Ապրանքանիշը շեշտադրում է առաջադեմ տեխնոլոգիաների կիրառումը և իտալական դիզայնին ու մշակման ավանդույթներին բնորոշ էսթետիկան։
PORTOCER-ի կերամոգրանիտը նախատեսված է այն նախագծերի համար, որտեղ նյութը պետք է ոչ միայն ծածկի պատը կամ հատակը, այլ դառնա ինտերիերի տեսողական գլխավոր տարրերից մեկը։
Դոմուսում ներկայացված չորս մոդելներն ունեն GalaCER Gem — Dry Granilla Polished + Gem մակերես։
Այս տեխնոլոգիայի դեպքում կիրառվում է մանր հատիկավոր կազմ և հատուկ բյուրեղանման մասնիկներ։ Դրանք մակերեսին են փոխանցվում ժամանակակից dry applicator տեխնոլոգիայի միջոցով, ապա մշակվում են այնպես, որ ստացվի բարձր փայլ, խորություն և բնական քարին մոտ լույսի խաղ։ Տեխնոլոգիան ստեղծվել է թանկարժեք քարերի և հազվագյուտ մարմարի տեսողական էֆեկտը վերարտադրելու համար։
600×1200 մմ խոշոր ձևաչափը նույնպես կարևոր դեր ունի․ ավելի քիչ կարեր են տեսանելի, իսկ քարի գրաֆիկան բացվում է ավելի մեծ մակերեսով։ Յուրաքանչյուր մոդելի համար կատալոգում նշված է 8 տարբեր նախշ, ինչը թույլ է տալիս միևնույն մակերեսի վրա խուսափել ակնհայտ կրկնություններից։
Սառը մոխրագույն երանգների և օնիքսային գրաֆիկայի համադրություն։ Այն բնականորեն աշխատում է սպիտակի, սևի, գրաֆիտի և մետաղական դետալների հետ։
Հավաքածուի ամենաբաց տարբերակն է։ Կաթնային, կրեմային և մեղմ բեժ երանգները օգնում են ստեղծել լուսավոր մակերես՝ առանց այն միատարր դարձնելու։ Հարմար ընտրություն է այն դեպքերում, երբ ցանկանում եք պահպանել բաց գունային սխեման, բայց սովորական սպիտակ սալիկից ավելի արտահայտիչ արդյունք ստանալ։
Տաք բեժ, շագանակագույն և կրեմային անցումներով մակերես է։ Օնիքսին բնորոշ անկանոն շերտավոր գրաֆիկան հատկապես արտահայտիչ է մեծ պատերի վրա։ Այն կարելի է կիրառել հյուրասենյակի շեշտադրող պատի, նախասրահի կամ այլ ինտերիերային լուծումների համար, որտեղ անհրաժեշտ է ջերմ գունային ուղղություն։
Եթե MARRIT շարքում գրաֆիկան ավելի մեղմ է, ապա MIRAE GREY-ն ունի ավելի դրամատիկ բնույթ։ Սպիտակ, մոխրագույն և շագանակագույն երակների ուժեղ հակադրությունը մակերեսը դարձնում է ինտերիերի կենտրոնական տարր։
Ավելի տաք ինտերիերի համար դիտարկեք MARRIT ONYX BROWN, լուսավոր և հանգիստ լուծման համար՝ MARRIT ONYX CREMA, ժամանակակից սառը գունային սխեմաների համար՝ MARRIT ONYX GREY, իսկ առավել արտահայտիչ քարային գրաֆիկայի համար՝ MIRAE GREY։
Բացահայտե՛ք PORTOCER կերամոգրանիտի հավաքածուն Դոմուսում և ընտրե՛ք ձեր ինտերիերին համապատասխան երանգը։